Moodle - MKnet

Inna - upplýsingakerfi skóla

Póstur kennara

Inna - upplýsingakerfi skóla

 

Moodle - MKnet

Póstur kennara

Forsíða

Síðasti kennsludagur og próf

Fimmtudaginn 6. desember er síðasti kennsludagur haustannar. Próf hefjast föstudaginn 7. des. og standa til fimmtudagsins 13. des. Sjúkrapróf verða haldin föstudaginn 14. des. 

Mikilvægt: Munið að mæta með skilríki með mynd af ykkur í prófin.

Próftafla sjá hér.

Próf sem er undirstrikað í próftöflunni er tekið í tölvu annars er prófið tekið skriflega á pappír. Nemendur koma með eigin tölvu í próf þegar tölvupróf eru. Tölvur nemenda verða að vera í lagi og rétt stilltar, þ.e. með Lock Down Browser. Mikilvægt er að nemendur mæti tímanlega og kynni sér áður í hvaða stofu þeir eiga að þreyta sín próf. Upplýsingar um stofur má finna í Innu og á upplýsingatöflum skólans. 

Veikindi þarf að tilkynna á skrifstofu skólans ÁÐUR en próf hefst og læknisvottorði verður að skila við upphaf sjúkraprófs.  Vakin er athygli á að ekki er hægt að tilkynna veikindi á prófatíma í gegnum INNU.

Uppfært miðvikudagur, 05 desember 2018 16:48

Kópamessa

Föstudaginn 30. nóvember verður haldin Kópamessa í MK. Þá mæta útskriftarnemendur ásamt starfsmönnum í morgunverð sem stendur milli 8:20 og 10:35.

Útskriftarnemendur messa yfir kennurum sínum og kveðja þá með ýmsu móti. Verknámsdeild sér um kræsingarnar að vanda.

Hefðbundin kennsla hefst kl. 10:45. Skrifstofa skólans er lokuð meðan á Kópamessu stendur.

Uppfært miðvikudagur, 28 nóvember 2018 12:57

Dagur íslenskrar tungu í MK

Í tilefni af Degi íslenskrar tungu sem var síðastliðinn föstudag spreyttu nemendur sig á orðaleik. Orðaleikurinn heitir Orðavinda og felst í því að raða bókstöfum saman í íslensk orð og orðmyndir. Orðavinda er á netinu og er öllum opin á slóðinni  http://borgar.net/programs/ordavinda

 

Þrír nemendur fengu viðurkenningu fyrir þátttöku og góða frammistöðu. Þeir eru:

  • Garðar Elí Jónasson
  • Helga Katrín Stefánsdóttir
  • Styrmir Máni Arnarson

Uppfært þriðjudagur, 20 nóvember 2018 11:42

Sérúrræði í lokaprófum

Nemendur athugið:

Þeir sem þurfa sérúrræði í lokaprófum í desember snúi sér til námsráðgjafa fyrir föstudaginn 16.nóv. 

Athugið að allir nemendur hafa lengdan próftíma þannig að ekki þarf að sækja sérstaklega um það. 

Þórdís og Guðrún námsráðgjafar.  

Uppfært þriðjudagur, 13 nóvember 2018 15:13

Innritun nýnema fyrir vorönn 2019

Sameiginlegt umsóknartímabil framhaldsskóla sem bjóða upp á innritun fyrir nám á vorönn 2019 verður dagana 1.- 30. nóvember nk.

Í MK er innritað í bóklegt nám (félagsgreinabraut, raungreinabraut, viðskiptabraut og opna braut) og matvælanám (bakstur, framreiðslu, matreiðslu og kjötiðn). Innritun fer fram á www.menntagatt.is

Allar nánari upplýsingar eru veittar í síma 514 7500 eða með því að senda tölvupóst á netfangið  This email address is being protected from spambots. You need JavaScript enabled to view it.

Innritun í framhaldsskóla er með Facebook síðuna „ráðgjöf vegna innritunar í framhaldsskóla“

Uppfært þriðjudagur, 13 nóvember 2018 15:13

Vetrarfrí á fimmtudag og föstudag

Fimmtudaginn 18. október og föstudaginn 19. október er vetrarfrí í Menntaskólanum í Kópavogi. Skrifstofa skólans verður opin eins og venjulega á fimmtudaginn en lokuð á föstudaginn. Njótið frísins!

Uppfært miðvikudagur, 17 október 2018 12:11

Ferð á Þingvelli

Undanfarnar vikur hafa nýnemar unnið að stóru verkefni um Ísland í áfanganum LÆSI. Hluti af verkefninu var ferð á Þingvelli en starfsfólk þjóðgarðsins sá um dagskrána. Leiðsögumaður fræddi nemendur um helstu sögustaði Þingvalla og útskýrði jarðfræði svæðisins.  Einnig var ný og glæsileg Gestastofa heimsótt og gerðu nemendur verkefni þar og komu með tillögur að nýju lógói fyrir þjóðgarðinn. Rafmagnsleysi á svæðinu setti smá strik í reikninginn hjá hluta af hópnum þar sem sýningin í Gestastofu er að miklu leyti gagnvirk, vonum að þeir nemendur hafi tækifæri til að njóta sýningarinnar sem allra fyrst.

Nemendur á Þingvöllum

Uppfært fimmtudagur, 11 október 2018 15:03

Síða 1 af 57

Go to top