Menntaskólinn í Kópavogi - Menntaskólinn í Kópavogi

Námið er fjögurra ára samningsbundið iðnnám og lýkur með sveinsprófi. Þar af eru þrjár annir í skóla, alls 60 einingar. 15 einingar eru í verklegri kennslu í matreiðslu. Þær skiptast á tvær annir, eins og áfanganúmerin gefa til kynna og lýkur með verklegu lokaprófi sem er meginhluti námsmatsins en einnig kemur til símat fagkennara.

Meginmarkmið náms í matreiðslu er að nemendur öðlist nauðsynlega þekkingu, skilning og færni til að svara kröfum atvinnulífsins um gæði í matreiðslu, hollustu, nýjungar og fjölbreytni. 

Umsókn

Markmið
Nemandi

• geti gert áætlanir til lengri og skemmri tíma, forgangsraðað verkefnum, gert pöntunar- og verkefnalista og undirbúið verk og vinnusvæði
• geti sett saman matseðla miðað við mismunandi tilefni og óskir viðskiptavina og leiðbeint um val og röð rétta
• geti matreitt allan algengan mat, þ.m.t. heimilismat, með hliðsjón af hollustu og næringargildi og aðlagað neysluþörfum einstakra markhópa og útbúið smekklega til framreiðslu
• kunni skil á meginstraumum í íslenskri og alþjóðlegri matreiðslu
• geti beitt öllum höfuðmatreiðsluaðferðum, jafnt í sígildri sem og nútíma matargerð og leitist við að þróa og laga þær að nýjum útfærslum
• geti matreitt heita og kalda morgunverðarrétti að hætti ólíkra þjóða og menningarsvæða
• geti matreitt alla helstu fisk- og kjötrétti, pasta-, hrísgrjóna-, kartöflu- og grænmetisrétti, heita og kalda
• geti matreitt ýmiss konar súpur og klassíska forrétti og millirétti, heita og kalda
• geti matreitt snittur, smurbrauð, brauðtertur og aðra brauðrétti
• geti búið til alla helstu heita og kalda ábætisrétti, svo sem ísrétti, búðinga, hlauprétti, souffle og ostarétti
• geti búið til helstu farstegundir, s.s. hefðbundið fars, frauð, soufflé og þéttiefni fyrir mismunandi kæfutegundir (s.s.paté og terrine)
• geti sett upp hlaðborð fyrir ýmis tilefni, s.s. dögurð og veislur
• kunni allar algengar aðferðir til að auka geymsluþol matvæla, svo sem að salta, sjóða, reykja (heit- og kaldreykja), kryddaleggja, marinera og súrsa kjötmeti og sjávarfang
• geti reiknað út verð sem byggir á framleiðslustöðlum, uppskriftum og framlegð

Uppfært miðvikudagur, 09 ágúst 2017 11:11