Moodle - MKnet

Inna - upplýsingakerfi skóla

Póstur kennara

Inna - upplýsingakerfi skóla

 

Moodle - MKnet

Póstur kennara

Forsíða

Bókasafn Kópavogs - þetta er spennandi

Bókasafn Kópavogs: Ókeypis bókasafnsskírteini fyrir nemendur framhaldsskóla næstu tvær vikurnar gegn framvísun nemendaskírteinis. (Gjaldið er 1.700 krónur á ári en ókeypis er fyrir börn að átján ára aldri. Með þessu fá nemendur á aldrinum 18 til 20 ára frítt skírteini).

Eftirfarandi námskeið og fyrirlestrar í Bókasafni Kópavogs:

  • Námskeið/aðstoð við að klippa, setja inn tal og texta við video á Pc tölvur, Makka og Ipad. Mánudaginn 24. mars kl. 13:00 til 15:00 í Kórnum á fyrstu hæð Bókasafns Kópavogs. Viðkomandi þurfa að vera með eigin tölvu eða Ipad með klippiforriti í.
  • Fimmtudaginn 20. mars kl. 17:15 talar Margrét Sigfússdóttir húsmæðrakennari um nýtingu og meðferð matar.
  • Föstudaginn 21. mars kl. 13:00 til 15:00. Stutt ritsmiðja þar sem verður rætt hvernig skapa megi persónur sem knýja áhugaverðar sögur. Arndís Þórarinsdóttir sér um smiðjuna.
  • Fimmtudaginn 27. mars kl. 17:15 mun Ásdís Jóelsdóttir kennari, rithöfundur og hönnuður tala um nýtingu á fatnaði og textílvörum á heimili.
  • Hægt er að fá að nota Kórinn á fyrstu hæð safnsins á morgnana til að vinna saman verkefni allt að 15 manns geta með góðu móti unnið þar saman.

    Uppfært fimmtudagur, 20 mars 2014 11:05

    Nánar: Bókasafn Kópavogs - þetta er spennandi

Matreiðslumeistari Norðurlandanna

Við óskum Viktori Erni Andréssyni innilega til hamingju með titilinn Matreiðslumeistari Norðurlandanna. Viktor útskrifaðist með sveinspróf í matreiðslu árið 2004 og lauk síðar námi í meistaraskólanum í maí 2013.

Hér má lesa um sigur Viktors

Uppfært miðvikudagur, 19 mars 2014 15:20

Nánar: Matreiðslumeistari Norðurlandanna

Lærum í verkfallinu

Við hvetjum alla til að koma í skólann, hittast og halda hópinn. Það er mikilvægt að halda dampi í náminu og getur skipt sköpum ef verkfallið dregst á langinn að missa ekki rútínuna.


Við minnum á að bókasafn skólans er opið, einnig eru nokkrar stofur opnar fyrir nemendur sem vilja hittast og sinna heimanáminu. Nemendur hafa verið duglegir að nýta sér aðstöðuna og í dag var nokkur fjöldi nemenda sem sat við.

 Hér eru nokkrar myndir af nemendum.

 

Showlist data is not configured

Uppfært miðvikudagur, 19 mars 2014 14:08

Verkfall kennara

Ágætu nemendur nú er ljóst að til verkfalls framhaldsskólakennara kemur og kennsla fellur niður á morgun mánudag 17. mars. Ég minni á að skólinn verður opinn og eru nemendur hvattir til að nýta sér bókasafnið og aðstöðu skólans til að halda áfram námi. 

Skólameistari.

 

Uppfært sunnudagur, 16 mars 2014 23:09

Nánar: Verkfall kennara

Frá foreldrafélagi MK

Foreldrafélag MK styður framhaldsskólakennara í baráttu sinni fyrir bættum kjörum og vonar svo sannarlega að takist að semja fyrir 17. mars.

Komi hins vegar til verkfalls er mikilvægt að nemendur stundi nám sitt heima samkvæmt áætlun eins og hægt er. Foreldrar eru hvattir til að halda vel utan um unglingana í MK ef til verkfalls kemur og veita þeim þá aðstoð sem þau þurfa.

Uppfært sunnudagur, 16 mars 2014 21:14

Nánar: Frá foreldrafélagi MK

Upplýsingar vegna mögulegs verkfalls kennara

Ágætu nemendur og forráðamenn

Á þessari stundu er ekki ljóst hvort boðað verkfall framhaldsskólakennara skellur á þann 17. mars. Til þess að upplýsa nemendur um stöðu mála hafa stjórnendur MK gengið í kennslustofur og rætt við nemendur. Þá var fundur á sal með skólameistara í hádeginu í dag. Brýnt var fyrir nemendum að vinna áfram skv. kennsluáætlunum og rifja upp það sem þegar hefur verið kennt. Ef til verkfalls kemur eru nemendur hvattir til að nýta sér aðstöðuna í skólanum en bókasafnið verður opið og kennslustofur eftir þörfum. Skrifstofa og mötuneyti verður einnig opið. Nemendum verður gefinn kostur á að ljúka önninni og því er mikilvægt að þeir sinni náminu og komi til baka að verkfalli loknu.

Kópavogi 13. mars 2014

Margrét Friðriksdóttir skólameistari

Uppfært fimmtudagur, 13 mars 2014 20:16

Opið hús í MK 26. mars

Uppfært fimmtudagur, 13 mars 2014 11:23

Síða 46 af 50

Tengill á facebook

Á dagskrá

Engir atburðir

Hádegismatseðill

Engir atburðir
Go to top