Norræna nemakeppnin

Nemar í framreiðslu og matreiðslu unnu til gull- og silfurverðlauna í Norrænu nemakeppninni í Kaupmannahöfn á dögunum.

Forsetahjónin heiðruðu nemana með móttöku á Bessastöðum sunnudaginn 13. maí. Í framreiðslu kepptu þeir Sigurður Borgar og Axel Árni Herbertsson en þeir fengu gullverðlaunin og í matreiðslu kepptu þeir Hinrik Lárusson og Sveinbjörn Marvin Björnsson en þeir fengu silfur.

Norræna nemakeppnin í framreiðslu og matreiðslu hefur verið haldin árlega í 32 ár og er keppnin haldin til skiptis á Norðurlöndunum og á Íslandi á fimm ára fresti. Það er mikill heiður að vera valin til þátttöku í þessari keppni þar sem saman koma efnilegustu nemar allra norðurlandanna og keppa sín á milli.

Uppfært þriðjudagur, 15 maí 2018 09:41

Kópamessa

Miðvikudaginn 4. maí verður haldin Kópamessa í MK. Þá mæta útskriftarnemendur ásamt starfsmönnum í morgunverð sem stendur milli 8:20 og 10:35.

Útskriftarnemendur messa yfir kennurum sínum og kveðja þá með ýmsu móti. Verknámsdeild sér um kræsingarnar að vanda.

Hefðbundin kennsla hefst kl. 10:45. Skrifstofa skólans er lokuð meðan á Kópamessu stendur.

Uppfært fimmtudagur, 03 maí 2018 16:13

Söngkeppni framhaldsskólanna 2018

Söngkeppni framhaldsskólanna fór fram í íþróttahöllinni á Akranesi í gær. Keppandi MK, Haraldur Fannar Arngrímsson, stóð sig með miklum sóma. 

Við óskum Menntaskólanum á Akureyri til hamingju með sigurinn. 

Uppfært sunnudagur, 29 apríl 2018 18:16

Stutt hagnýtt nám

Uppfært föstudagur, 27 apríl 2018 21:14

Innritun á haustönn 2018

Innritun eldri nemenda (fæddir 2001 eða fyrr)

Innritun annarra en 10. bekkinga í bóklegt nám (alþjóðabraut, félagsgreinabraut, opna braut, raungreinabraut og viðskiptabraut) og matvælanám (bakstur, framreiðsla, matreiðsla) er frá 6. apríl til 31. maí.

Sótt er um skólavist í framhaldsskóla á vefnum  menntagatt.is. 

Uppfært þriðjudagur, 24 apríl 2018 13:41

Nemendur frá Króatíu

Nemendur frá Króatíu voru í heimsókn á dögunum í tengslum við Evró áfanga sem kenndur er á Alþjóðabraut hjá Sillu kennara. Verkefnið: “From Facebook to face to face. Cross cultural relations through social media and beyond“ snýst um samskipti á samfélagsmiðlum og er einnig unnið í tengslum við Félagsgreinabraut.

Króatísku nemendurnir heimsóttu íslenska nemendur MK og gistu hjá þeim. Þeir fræddust um menningu og sögu Íslands. Farið var á Þingvelli, Gullfoss og Geysi. Gist var í Hveragerði eina nótt og Garðyrkjuskólinn heimsóttur. Gestirnir fóru einnig í Bláa lónið og bæjarferðir um Reykjavík og Kópavog. Heimsóknin heppnaðist vel og það voru glaðir gestir sem héldu svo heim á leið eftir frábæra daga á Íslandi. 

Uppfært þriðjudagur, 24 apríl 2018 13:40

Könnun fyrir útskrifaða nemendur

smelltu hér  til að svara könnuninni.  

Uppfært þriðjudagur, 24 apríl 2018 13:40