Moodle - MKnet

Inna - upplýsingakerfi skóla

Póstur kennara

Inna - upplýsingakerfi skóla

 

Moodle - MKnet

Póstur kennara

Forsíða

Umhverfisdagar

Umhverfisdagar MK verða haldnir 18. - 21. september. Umhverfisdagar eru árlegur viðburður í skólanum og eru ávallt haldnir nálægt 16. september, degi íslenskrar náttúru. Þemað 2017 er þjóðgarðar á Íslandi.

Dagskrá umhverfisdaganna má nálgast undir þessum tengli.

Uppfært sunnudagur, 17 september 2017 21:21

Hjólum í skólann

Taktu þátt í Hjólum í skólann

Ein einfaldasta leiðin til að auka hreyfingu í daglegu lífi er að velja virkan ferðamáta, svo sem göngu eða hjólreiðar. Ávinningurinn er ekki aðeins bundinn við andlega og líkamlega vellíðan heldur er þetta einnig umhverfisvæn og hagkvæm leið til að komast á milli staða.

Leyfilegt er að nýta allan virkan ferðamáta: 

  • Hjólreiðar (líka rafmagnsreiðhjól þar sem þarf að stíga með)
  • Ganga 
  • Hlaup
  • Línuskautar, hjólabretti
  • Almenningssamgöngur (þá er skráð sú vegalengd sem gengin er eða hjóluð til og frá stoppustöð)
  • Annað sem felur í sér virkan ferðamáta

Allir geta tekið þátt í verkefninu og oftar en ekki þarf bara svolítið ímyndunarafl þar sem skipulag sumra skólahverfa getur gert gönguferðir erfiðar og sumir nemendur þurfa að fara langa leið til að komast í skólann. Ef nemendur eiga erfitt með að komast gangandi til skóla geta þeir samt tekið þátt í verkefninu á einn eða annan hátt. T.d. með því að fara í gönguferð saman áður en kennsla hefst að morgni eða með því að nota hádegi eða löngu frímínútur til þess.

(Tekið af vefnum: Hjólum í skólann)

Taktu mynd af þér í þinni hreyfingu og sendu á This email address is being protected from spambots. You need JavaScript enabled to view it. þá ertu kominn í vinningspott sem dregið verður úr í byrjun október.

Uppfært miðvikudagur, 13 september 2017 20:26

Erasmus verkefni

Skólinn hefur fengið styrk frá Evrópusambandinu fyrir verkefnið: „From Facebook to face to face. Cross cultural relations through social media and beyond“ og er það samstarf við króatískan skóla, Graditeljsko- geodetska tehnicka skola, í borginni Split.

Tilgangur er að efla og styrkja samskipti mismunandi þjóða og tengja nemendur frá ólíkum menningum með það að markmiði að víkka sjóndeildarhring okkar allra. Ásamt því að þjálfa nemendur í að vinna með jafnöldrum af öðru þjóðerni og þannig undirbúa þau undir líf og störf í alþjóðlegu samfélagi.

Aleksandra Kojic og Sigurlaug Rúnarsdóttir fara fyrir verkefni í MK. Á myndinni hér að neðan má sjá þær ásamt Ágústi Hirti Ingþórssyni forstöðumanni Landsskrifstofu Ermasmus+ á Íslandi

Uppfært miðvikudagur, 13 september 2017 12:52

Foreldrafundur nýnema

Foreldrafundur nýnema verður í dag kl. 17:00-18:30. 
Foreldrar mæta í Sunnusal (matsal skólans) í V-álmu.

Uppfært þriðjudagur, 05 september 2017 11:46

Úrsagnir úr áföngum

Ef nemandi telur sig hafa skrá sig í of mikið nám, hefur hann frest til þriðjudagsins 5. september til að segja sig frá námi. Eftir þá dagsetningu eru úrsagnir ekki leyfðar.

Uppfært þriðjudagur, 29 ágúst 2017 19:18

Hraðtafla

Kennt verður samkvæmt hraðstundatöflu föstudaginn 18. ágúst, en þá er kennt skv. föstudags- og mánudagsstundatöflu. Það er gert til þess að nemendur nái að hitta alla kennara sína fyrsta daginn – sjá útfærslu fyrir nemendur í stúdentsnámi í Word-skjali .

Uppfært þriðjudagur, 15 ágúst 2017 14:19

Upphaf haustannar 2017

Þriðjudaginn 15. ágúst kl. 10:00 móttaka nýnema (fæddir 2001) og allir nýnemar í grunndeild matvæla og ferðagreina í Sunnusal

Þriðjudaginn 15. ágúst verður opnað fyrir stundatöflur og einnig fyrir rafrænar töflubreytingar í Innu.

Fimmtudaginn 17. ágúst kl. 11:00 móttaka endurinnritaðra nemenda í bóknám og verknám í Sunnusal (nemendur fæddir 2000 og eldri)

Fimmtudaginn 17. ágúst kl. 16:30 skólasetning í Ferðamálaskólanum í N103

Fimmtudaginn 17. ágúst kl. 18:00 móttaka nemenda í matsveina- og matartæknanámi í V-102

Föstudaginn 18. ágúst kennsla hefst skv. hraðstundatöflu

Mánudaginn 21. ágúst kl. 12:30 hefst kennsla í meistaranámi skv. stundatöflu, hópur 1

Mánudaginn 21. ágúst kl. 17:00 skólasetning og kennsla hefst í Leiðsöguskólanum í N210

Miðvikudaginn 23. ágúst kl. 12:30 hefst kennsla í meistaranámi skv. stundatöflu, hópur 2

Uppfært fimmtudagur, 10 ágúst 2017 11:56

Síða 10 af 56

Go to top