Moodle - MKnet

Inna - upplýsingakerfi skóla

Póstur kennara

Inna - upplýsingakerfi skóla

 

Moodle - MKnet

Póstur kennara

Forsíða

Hjólum í skólann

Taktu þátt í Hjólum í skólann

Ein einfaldasta leiðin til að auka hreyfingu í daglegu lífi er að velja virkan ferðamáta, svo sem göngu eða hjólreiðar. Ávinningurinn er ekki aðeins bundinn við andlega og líkamlega vellíðan heldur er þetta einnig umhverfisvæn og hagkvæm leið til að komast á milli staða.

Leyfilegt er að nýta allan virkan ferðamáta: 

  • Hjólreiðar (líka rafmagnsreiðhjól þar sem þarf að stíga með)
  • Ganga 
  • Hlaup
  • Línuskautar, hjólabretti
  • Almenningssamgöngur (þá er skráð sú vegalengd sem gengin er eða hjóluð til og frá stoppustöð)
  • Annað sem felur í sér virkan ferðamáta

Allir geta tekið þátt í verkefninu og oftar en ekki þarf bara svolítið ímyndunarafl þar sem skipulag sumra skólahverfa getur gert gönguferðir erfiðar og sumir nemendur þurfa að fara langa leið til að komast í skólann. Ef nemendur eiga erfitt með að komast gangandi til skóla geta þeir samt tekið þátt í verkefninu á einn eða annan hátt. T.d. með því að fara í gönguferð saman áður en kennsla hefst að morgni eða með því að nota hádegi eða löngu frímínútur til þess.

(Tekið af vefnum: Hjólum í skólann)

Taktu mynd af þér í þinni hreyfingu og sendu á This email address is being protected from spambots. You need JavaScript enabled to view it. þá ertu kominn í vinningspott sem dregið verður úr í byrjun október.

Uppfært miðvikudagur, 13 september 2017 20:26

Erasmus verkefni

Skólinn hefur fengið styrk frá Evrópusambandinu fyrir verkefnið: „From Facebook to face to face. Cross cultural relations through social media and beyond“ og er það samstarf við króatískan skóla, Graditeljsko- geodetska tehnicka skola, í borginni Split.

Tilgangur er að efla og styrkja samskipti mismunandi þjóða og tengja nemendur frá ólíkum menningum með það að markmiði að víkka sjóndeildarhring okkar allra. Ásamt því að þjálfa nemendur í að vinna með jafnöldrum af öðru þjóðerni og þannig undirbúa þau undir líf og störf í alþjóðlegu samfélagi.

Aleksandra Kojic og Sigurlaug Rúnarsdóttir fara fyrir verkefni í MK. Á myndinni hér að neðan má sjá þær ásamt Ágústi Hirti Ingþórssyni forstöðumanni Landsskrifstofu Ermasmus+ á Íslandi

Uppfært miðvikudagur, 13 september 2017 12:52

Viðtalstímar kennara

Allir kennara hafa viðtalstíma einu sinni í viku. 

Upplýsingar um hvar og hvenær kennarar eru til viðtals má finna undir tenglinum viðtalstímar.

Uppfært miðvikudagur, 06 september 2017 20:39

Office 365 - Office pakkinn

Búið er að stofna aðgang nemenda að tölvupóstkerfi MK með aðgangi að fimm eintökum af Office Professional Plus 2016, fyrir Windows, Apple tölvur, iPad, iPhone og Android stýrikerfi og gildir áskriftin á meðan á skólagöngu stendur.

Notandanafnið og tölvupóstfangið er á forminu  This email address is being protected from spambots. You need JavaScript enabled to view it.  þar sem kennitala kemur í stað strika.

Lykilorð: Sama og í Innu með eftirfarandi breytingum ef þarf:

  • Minnst 8 stafir (fyllt upp með tölunni 1 eins oft og þarf)
  • Mest 16 stafir (klippt aftan af ef þarf)
  • Engir sér íslenskir stafir (o sett í stað ö, t í stað þ o.s.frv.)
  • Stór stafur, lítill stafur, tala eða tákn  (þrennt af þessum fjórum)

Aðgangur að tölvupóstkerfinu/Office pakkanum er í gegnum slóðina: http://portal.office.com eða smellt er á Póstflipann hér hægra megin á síðunni.

Eftir að inn er komið eru hök tekin af tilboðum ef vill og smellt á Install now hnappinn.

Ef beðið er um að virkja notkun á forritunum þá þarf að staðfesta aðganginn með ofangreindu notendanafni og lykilorði, ekki nota Product Key sem er einn af valmöguleikunum.   

Uppfært miðvikudagur, 06 september 2017 20:24

Foreldrafundur nýnema

Foreldrafundur nýnema verður í dag kl. 17:00-18:30. 
Foreldrar mæta í Sunnusal (matsal skólans) í V-álmu.

Uppfært þriðjudagur, 05 september 2017 11:46

Úrsagnir úr áföngum

Ef nemandi telur sig hafa skrá sig í of mikið nám, hefur hann frest til þriðjudagsins 5. september til að segja sig frá námi. Eftir þá dagsetningu eru úrsagnir ekki leyfðar.

Uppfært þriðjudagur, 29 ágúst 2017 19:18

Hraðtafla

Kennt verður samkvæmt hraðstundatöflu föstudaginn 18. ágúst, en þá er kennt skv. föstudags- og mánudagsstundatöflu. Það er gert til þess að nemendur nái að hitta alla kennara sína fyrsta daginn – sjá útfærslu fyrir nemendur í stúdentsnámi í Word-skjali .

Uppfært þriðjudagur, 15 ágúst 2017 14:19

Síða 2 af 48

Tengill á facebook

Á dagskrá

Engir atburðir
Go to top