JAR102 Jarðfræði

Undanfari: enginn
 
Í áfanganum er rakin þróun fræðigreinarinnar jarðfræði erlendis og á Íslandi. Lögð er áhersla á sérkenni Íslands, myndun landsins, eldvirkni, jarðskjálfta, jökla, vatnsföll og jarðhita. Farið er í flekakenninguna, eldstöðvakerfi, bergtegundir, jarðlög og jarðsögu Íslands. Nemendur fá tilsögn í greiningu helstu steinda og bergtegunda. Í vettvangsferðum er lögð áhersla á að nemendur kynnist jarðfræði Íslands.

Markmið

Nemandi geti útskýrt

• nýjar kenningar jarðfræðinga um helstu náttúrufyrirbrigði sem sjást á ferðamannaleiðum og ferðamannastöðum
• flekakenninguna og myndun Atlantshafshryggjarins og tengsl hans við Ísland
• ýmsar gerðir eldfjalla, eldvirkni og orsakir tíðra eldgosa á Íslandi
• virku gossvæðin og jarðskjálftasvæðin
• mismun á jarðfræði og eldvirkni hér á landi og á öðrum stöðum á jörðinni
• hveri og hverasvæði
• jarðhita og nýtingu hans hér á landi
• jökla, jökulrof og jöklabúskap
• hagnýt jarðefni
• virkjun vatnsafls og gufuafls
• steinda- og bergfræði þar sem áhersla er lögð á holufyllingar