FJM201 - Fjallamennska II
Í áfanganum eru kenndar helstu aðferðir sem notaðar eru í ísklifri. Rifjaðir eru upp hnútar og fjallað um klifurbúnað, línur, tryggingar, klifuraðferðir og klifur. Áfanginn er að stærstum hluta verklegur, þ.e. tveir dagar á vettvangi, helst á skriðjökli. Nemendur þurfa að hafa alstífa skó og mannbrodda, línu, sigstól, hjálm og tvær ísaxir. Enn fremur karabínur, slinga, ísskrúfur og bergtryggingar. Vind- og vatnsheldur fatnaður er nauðsynlegur, svo og almennur ferða- og fjallabúnaður, eins og snjóflóðaýlir, snjóflóðastöng og skófla.
Markmið
Nemandi kunni skil á
- helstu aðferðum til að fara langar og brattar ísklifursleiðir
- línum og hnútum
- notkun ístrygginga
- félagabjörgun
- sérhæfðum búnaði
- tækjum til ísklifurs