Þjónusta

Við Menntaskólann í Kópavogi er rekið öflugt þjónustunet fyrir nemendur. Við skólann starfa þrír náms- og starfsráðgjafar.  Hlutverk þeirra er að aðstoða nemendur með allt sem getur haft áhrif á nám þeirra og námsárangur eins og náms- og starfsval og persónuleg mál. Sálfræðingur skólans og skólahjúkrunarfræðingur sinna nemendum þeim að kostnaðarlausu.

Menntaskólinn í Kópavogi hefur sett sér áætlun um mótttöku nemenda með annað móðurmál en íslensku og heyrnarlausa/heyrnarskerta nemendur eins og kveður á í 35. gr. laga um framhaldsskóla 92/2008.

Þar kemur fram hverjir sjá um móttöku nema og foreldra/forráðamanna, upplýsingar um nám og skólastarf auk aðstoðar sem er í boði fyrir nemendur s.s. aðstoð við skipulagningu náms, ýmsar séraðstæður og túlkaþjónustu svo fátt eitt sé nefnt. Áætlunina má sjá hér.

Allir nemendur undir 18 ára aldri fá umsjónarkennara. Umsjónarkennari er nemendum innan handar um allt er lýtur að náminu. Skólinn leggur áherslu á öfluga kerfisstjórn og að bjóða á hverjum tíma fljótvirka og örugga tækniþjónustu fyrir starfsmenn og nemendur.

Bókasafnið styður við bakið á öllum kennslugreinum. Þar er aðgangur að sérfræðingum sem m.a. kenna nemendum upplýsingaleit.

Á skrifstofu skólans geta nemendur nálgast skólavottorð, afrit af skírteinum og almennar upplýsingar um skólann.