Matartæknanám (staðfest númer brautar 19-246-3-8)

Matartæknanám er 204 eininga bóklegt og verklegt nám sem lýkur með fagprófi matartæknis á 3. hæfniþrepi. Matartæknanám er þrjár annir í skóla. Námið verður einungis í boði ef næg þátttaka fæst.  Nánari upplýsingar um námið er hér.

Dagatal fyrir skólaárið 2025 - 2026 (fyrirvari um breytingar)

Innritun í námið fer fram 1. - 31. mars 2026. Umsóknum verður svarað eigi síðar en 15. maí. Hægt er að fylgjast með afgreiðslu umsókna á umsóknarsíðunni.

Umsóknarsíða fyrir matartæknanám

Til að umsókn sé tekin gild þarf umsækjandi og vinnuveitandi umsækjanda að fylla út skjölin hér að neðan:

Upplýsingar fylltar út af umsækjenda

Starfsvottorð fyllt út af vinnuveitenda

Inntökuskilyrði

• Þriggja ára starfsreynsla í viðurkenndum eldhúsum mötuneyta, stóreldhúsum með starfsleyfi eða eldhúsum heilbrigðisstofnana
• Hafa lokið matsveinanámi
• Hafa náð 23 ára aldri
• Raunfærnimat vinnustaðaþátta
• Æskilegt er að nemendur hafi gott vald á íslensku bæði töluðu- og rituðu máli
• Öllum þeim umsóknum sem uppfylla ekki fyrrnefnd skilyrði verður hafnað

Réttindi

Matartæknanám býr nemendur undir matreiðslu í eldhúsum heilbrigðisstofnana, leik-, grunn- og framhaldsskólum og mötuneytum vinnustaða. Að lokinni brautskráningu frá skóla getur nemandi sótt um löggildingu starfsheitis til Embættis landlæknis og öðlast þá réttindi til að starfa sem matartæknir.

Mat á námi

• Með raunfærnimati fær nemandi þekkingu sína og reynslu metna upp í formlegt skólanám. Iðan fræðslusetur og aðrar fræðslumiðstöðvar sjá um raunfærnimat
• Nemendur með nám úr erlendum skólum þurfa að skila inn námsferli frá viðkomandi skóla á ensku
• Starfsreynsla nemenda er metin í samræmi við inntökuskilyrði og eru þessir áfangar metnir:
• Starfsþjálfun á vinnustað fyrir matartækna: STÞM1MA25, STÞM2MA25 og STÞM3MA25
• Verkleg þjálfun matartækna: VÞVS1SF10, VÞVS2SF10 og VÞVS3SF10
• Hægt er að nálgast upplýsingar um fyrra nám og metna áfanga á Innu og Island.is

Fyrirkomulag náms:

Námið er skipulagt sem þriggja anna nám en nemendur geta tekið það á þeim hraða sem þau óska og ef áfangar eru í boði. Hægt er að stunda námið samhliða vinnu.

Áfangar eru kenndir í fjarnámi eða í lotubundnu fjarnámi:

• Fjarnám fer fram í námskerfinu Moodle. Þar setur kennari inn námsefni, verkefni og annað sem tengist námi í áfanganum. Öll kennsla fer fram á Teams samkvæmt stundatöflu frá kl. 17.00 á daginn. Fjarnámsáfangar eru merktir með einni stjörnu à *
• Í lotubundnu fjarnámi mæta nemendur í staðlotur og vinna auk þess verkefni í fjarnámi sem sett eru inn á Moodle. Staðlotur eru frá föstudegi til sunnudags. Upplýsingar um staðlotur er að finna í dagatali námsins. Skyldumæting er í staðlotur. Lotubundnir fjarnámsáfangar eru merktir með tveimur stjörnum à **.
  

Búnaður

• Fartölvur: Nemendur þurfa að hafa aðgang að fartölvu sem þau mæta með í staðlotur og nettengingu til að geta mætt í tíma á Teams
• Vinnufatnaður: Nemendur þurfa að koma með eigin vinnufatnað í verklega matreiðslu
• Rafræn skilríki: Nemendur þurfa að hafa aðgang að rafrænum skilríkum í símanum sínum

Kostnaður

• Sjá gjaldskrá skólans
• Eftir skráningu er innritunargjaldið ekki endurgreitt þó nemi hætti við nám, sbr. reglugerð 614/2009
• Eftir fyrstu kennsluviku eru önnur skólagjöld ekki endurgreidd

Mikilvæg atriði

• Nemendur þurfa að skipuleggja náms sitt og tíma út frá staðlotum
• Nemendur sem búa á landsbyggðinni þurfa að gera ráðstafanir varðandi ferðir og gistingu
• Námið er styrkt af verkalýðsfélögum og eru nemendur hvattir til að sækja um styrk
• Margir vinnustaðir veita námsleyfi á launum og þurfa nemendur að kanna það sérstaklega