GAIA2BA05 - Gervigreind

Í þessum áfanga fá nemendur kynningu á gervigreind (spunagreind) og notkun hennar bæði í námi, starfi og daglegu lífi. Nemendur fá þjálfun í notkun mismunandi verkfæra sem boðið er upp á, til dæmis við útskýringar á hugtökum og glósugerð. Nemendur þróa gagnrýna hugsun og kynna sér siðferðisleg málefni hvað varðar gervigreind og notkun hennar. Lögð er áhersla á skapandi verkefni og umræður í tímum.

Nemandi skal hafa öðlast þekkingu og skilning á:

• Gervigreind, sögu og uppruna hennar.
• Notkun gervigreindar, í daglegu lífi, námi og starfi.
• Takmörkun gervigreindar og mikilvægi gagnrýninnar hugsunar.
• Siðferðislegum málefnum gervigreindar og áhrifum í nútíð og framtíð.

Nemandi skal hafa öðlast leikni í að:

• Nota gervigreindarverkfæri á ábyrgan hátt.
• Móta spurningar og samhengisramma til að vera í skilvikum samskiptum við gervigreind.
• Taka þátt í umræðum og miðla þekkingu sinni á álitaefnum gervigreindar.
• Vinna verkefni í samstarfi við gervigreind.
• Meta hvaða gervigreindarverkfæri er best að nota að hverju sinni.

Nemandi skal geta hagnýtt þá almennu þekkingu og leikni sem hann hefur aflað sér til að :

• Hafa gagnrýna hugsun í fyrirrúmi þegar gervigreind er notuð bæði í námi og starfi.
• Taka þátt í umræðum um framtíð gervigreindar og samfélagsleg áhrif hennar.
• Geta nýtt gervigreind á uppbyggilegan hátt með því að setja fram skýrt samhengi og spurningar sem skila sem bestum niðurstöðum.

Undanfari: Enginn

Námsmat: Sjá kennsluáætlun