JARÐ3JÍ04 - Jarðfræði

Í áfanganum er rakin þróun jarðfræði sem fræðigreinar erlendis og á Íslandi. Lögð er áhersla á sérkenni Íslands, myndun landsins, eldvirkni, jarðskjálfta, jökla, vatnsföll og jarðhita. Farið er í flekakenninguna, eldstöðvakerfi, bergtegundir, jarðlög og jarðsögu Íslands. Nemendur fá tilsögn í greiningu helstu steinda og bergtegunda. Í vettvangsferð er lögð áhersla á að nemendur kynnist jarðfræði Íslands á vettvangi og fái aukinn skilning á hvernig gott er að útskýra jarðfræðileg fyrirbæri.

Nemandi skal hafa öðlast þekkingu og skilning á:

• Helstu kenningum jarðfræðinnar.
• Flekakenningunni og myndun Atlantshafshryggjarins.
• Virkum gossvæðum og jarðskjálftasvæðum.
• Jöklum, jökulrofi og jöklabúskap. Eru jöklar Íslands sjálfbærir?
• Algengustu bergtegundum.

Nemandi skal hafa öðlast leikni í að:

• Útskýra myndun þekktra náttúrufyrirbrigða.
• Útskýra jarðsögu Íslands.
• Útskýra mismunandi gerðir eldfjalla, eldvirkni og orsakir tíðra eldgosa á Íslandi, hvar virku gossvæðin eru og hvers vegna jarðskjálftar verða.
• Gera grein fyrir jarðhita og hvernig hann er nýttur hér á landi.
• Útskýra virkjun vatnsafls og gufuafls, einnig m.t.t. sjálfbærni og náttúruverndarsjónarmiða.
• Útskýrt algengustu bergtegundir.
• Lesa jarðfræðikort og nýta sér við leiðsögn.
• Segja frá hverum og hverasvæðum og hvernig ferðamenn gangi um slík svæði.

Nemandi skal geta hagnýtt þá almennu þekkingu og leikni sem hann hefur aflað sér til að:

• Útskýra og setja í samhengi jarðfræðileg fyrirbæri fyrir ferðamönnum.

Undanfari: Enginn.

Námsmat: Sjá kennsluáætlun.