Íþróttir
Íþróttir í MK – Skipulag haustannar 2025
Nemendur sem eru skráðir í íþróttir ÍÞRÓ1AA01 fá aðgang að Sporthúsinu og stunda sína hreyfingu þar.
Nemendur á afrekssviðinu eru ekki skráðir í hefðbundna íþróttaáfanga skólans.
Til að standast íþróttir þarf á þessari önn að ná að lágmarki 23 skiptum (1 klst. í senn) á tímabilinu 1. september til 5. desember. Eftir það er ekki hægt að skila inn mætingum fyrir íþróttir.
Ekki er hægt að fá fleiri en eina einingu fyrir íþróttir á hverri önn. Nemandi getur að hámarki fengið 6 einingar fyrir íþróttaiðkun á námstímanum.
Nýnemar, eða eldri nemendur sem eru að mæta í fyrsta skiptið í Sporthúsið, fá upplýsingar sendar í tölvupósti hvenær þeir eiga að mæta í fyrsta skiptið. Í þessum fyrsta tíma fá nemendur leiðbeiningar með alla þjálfun og aðstöðu í Sporthúsinu.
Ef þið stundið íþróttir undir stjórn þjálfara hjá íþróttafélögum innan ÍSÍ, eða á öðrum líkamsræktarstöðvum en Sporthúsinu, getið þið sótt um að fá annan íþróttaáfanga metinn sem heitir ÍÞRÓ1AA01ÞJ. Nemandi sem vill skrá sig í þennan íþróttaáfanga og fá hann metinn þarf að gera eftirfarandi:
- Skila áætlunarblaði með undirritun þjálfara og stimpli íþróttafélags eða líkamsræktarstöðvar vegna þessarar íþróttaiðkunnar til skrifstofunnar í síðasta lagi 1. september.
- Skila staðfestingarblaði með undirritun þjálfara og stimpli íþróttafélags eða líkamsræktarstöðvar til skrifstofunnar föstudaginn 5. desember.
Þið finnið bæði áætlunar- og staðfestingarblaðið hér:
Hægt er að skila þessu rafrænt á skrifstofuna á netfangið: mk@mk.is eða koma með blaðið á skrifstofuna.
Ef þið eigið eftir að skrá ykkur í íþróttir, eða viljið breyta skráningu íþrótta, þarf það að gerast í síðasta lagi 27. ágúst.
Verið dugleg að hreyfa ykkur í vetur