SAGA4SG02 - Íslandssaga

Í áfanganum er fjallað um hin ýmsu tímabil Íslandssögunnar. Þar má nefna víkingatímabilið, landnámið og stofnun íslenska þjóðveldisins. Farið er yfir merkustu viðburði Íslandssögunnar fyrr á öldum, s.s. landnámið, stofnun Alþingis, kristnitökuna, uppbyggingu kirkjunnar og siðaskiptin. Þá eru skoðaðar helstu heimildir um líf fólks fyrr á öldum, þjóðfélagsskipan, hlutverk karla og kvenna, húsakynni og búskaparhætti. Landnámssýningin heimsótt. Fjallað er um einokunartímabilið; orsakir og afleiðingar þess fyrir Íslendinga. Kynnt eru þau tímabil Íslandssögunnar er við lutum erlendri stjórn og áhrif þess á þjóðina. Rakin er saga sjálfstæðisbaráttunnar, nefndir helstu hvatamenn og stofnun lýðveldisins. Þá er skoðuð þátttaka og staða Íslands í samfélagi þjóðanna nú á dögum. Nemendur eru þjálfaðir í efnisöflun.

Nemandi skal hafa öðlast þekkingu og skilning á:

• Elstu heimildum um Ísland.
• Kenningum um orsakir víkingaferða.
• Landnámi Íslands.
• Alþingi hinu forna og þjóðveldi.
• Mótun íslenskrar kirkju.
• Ísland undir erlendri stjórn.
• Siðaskiptum.
• Einokunarverslun.
• Einveldi Danakonungs.
• Afdrifaríkustu atburðum sjálfstæðisbaráttunnar.
• Lýðveldisstofnun.
• Áhrif heimstyrjalda á íslenskt samfélag.
• Stöðu Íslands í samfélagi þjóðanna.
• Hvernig nýta má söfn við fræðslu ferðamanna.

Nemandi skal hafa öðlast leikni í að:

• Útskýra með einföldum hætti sögu og þróun byggðar á Íslandi.
• Segja frá helstu þáttum menningar Íslendinga gegnum söguna s.s. atvinnuháttum, trúarbrögðum, búskaparháttum, matarmenningu og þjóðfélagsskipan.

Nemandi skal geta hagnýtt þá almennu þekkingu og leikni sem hann hefur aflað sér til að:

• Útskýra á lifandi hátt þróun byggðar og menningar á Íslandi frá landnámi til okkar daga.
• Setja þessa þróun í samhengi við stöðu Íslands í samfélagi þjóða.

Undanfari: Enginn.

Námsmat: Sjá kennsluáætlun.