BARA1AA05 - Vínstúka og veislur

Í áfanganum er farið yfir vinnu á bar/vínstúku, notkun glasa, sérhæfðra tækja, áhalda og íblöndunarefna. Samanburður á mismunandi gerðum kokteila, verklagi við blöndun þeirra og mismunandi blöndunaraðferðum. Farið er yfir vinnu í veitingasal og undirbúning viðburða. Uppsetning á veitingasölum, aðferðir við að leggja á borð og mismunandi munnþurrkubrot.

Nemandi skal hafa öðlast þekkingu og skilning á:

• verkferlum og áhöldum á bar / vínstúku.
• skipulagningu og uppsetningu á bar.
• varðveislu birgða.
• hráefnisþörf og fullnýtingu þess.
• mismunandi aðferðum við að leggja á borð og notkun áhalda.
• mismunandi munnþurkubrotum.
• hreinlæti á vinnusvæðum.
• persónulegu hreinlæti.

Nemandi skal hafa öðlast leikni í að:

• setja upp og skipuleggja bar sem vinnusvæði.
• nota íblöndunarefni.
• beita réttu verklagi.
• nota mælieiningar og hugtök.
• beita áhöldum og tækjum til blöndunar.
• leggja á borð samkvæmt mismunandi matseðlum.
• brjóta munnþurrkur á mismunandi hátt.

Nemandi skal geta hagnýtt þá almennu þekkingu og leikni sem hann hefur aflað sér til að:

• skipuleggja bar út frá faglegri uppröðun miðað við vinnu- og hreinlætisferla.
• aðstoða við framreiðslu á bar/vínstúku.
• nota mismunand blöndunaraðferðir við gerð kokteila.
• stilla upp veitingasal.
• leggja á borð fyrir mismunandi matseðla.
• ganga frá vinnusvæðum með ábyrgum hætti.
• gæta að eigin hreinlæti.

Undanfari: Enginn

Námsmat: Sjá kennsluáætlun