ENSK3CD05 - Enskar kvikmyndir - Tjáning og túlkun

Nemendur þjálfast bæði í að tala og skilja ensku í gegnum kvikmyndir og umræður. Áhersla lögð á að efla orðaforða nemenda til að tjá og rökstyðja skoðanir sínar

Horft verður á fjölbreytt úrval kvikmynda, bæði í kennslustundum og sem heimavinna. Gætt verður að því að nemendur hafi gott aðgengi að kvikmyndum sem valdar eru. Áhersla lögð á umræður í kennslustundum. 

Nemandi skal hafa öðlast þekkingu og skilning á:

• Ensku tungumáli og hvernig því er beitt í kvikmyndum og daglegri notkun.
• Fjölbreyttum kvikmyndum og viðfangsefni þeirra.

Mikilvægi gagnrýninnar hugsunar þegar horft er á og rætt um fjölbreytt efni.

Nemandi skal hafa öðlast leikni í að:

• Tjá sig með skýrum og nákvæmum hætti um flókin málefni
• Skilja talað mál í kvikmyndum og í umræðum í tímum.

Greina ólíkar tegundir kvikmynda og hefðir þeirra.

Nemandi skal geta hagnýtt þá almennu þekkingu og leikni sem hann hefur aflað sér til að:

• Ræða fjölbreytt málefni og tjá sýnar skoðanir.
• Tjá sig á skýran og málefnalegan hátt.
• Beita gagnrýnni hugsun þegar hann horfir á kvikmyndir eða annað efni.
• Rýna í og skilja betur þær kvikmyndir sem hann horfir á.

Undanfari: ENSK3CA05

Námsmat: Sjá kennsluáætlun