Fyrsta útskrift vorsins
15.05.2020
Hrönn Kristey Atladóttir flytur ræðu og frumsamið ljóð
Fyrsta útskrift vorsins í MK var í dag 15. maí. Þá luku þrír nemendur fullnaðarprófi af starfsbraut eftir fjögur viðburðarík ár. Fyrir hönd nemenda hélt Hrönn Kristey Atladóttir ræðu og kvaddi skólann sinn með hlýjum orðum. Hún flutti af því tilefni frumsamið ljóð sem við fengum góðfúslega leyfi til að birta, enda vel ort og er fallegur óður til landsins okkar og náttúru.
Litir náttúrunnar
Landið mitt flóran litar
með laglegum lit
Gulum, bláum, grænum,
litum öllum vænum.
Himinhvelfingin háa,
stóra mikla bláa.
Augum sínum allt leit,
viti best allra veit.
