Jarðfræðiferð á Snæfellsnes vorönn 2023

Jarðfræðinemar við Menntaskólann í Kópavogi fóru í hringferð um Snæfellsnesið í vor. Markmið ferðarinnar var að fá sjónræna upplifun af þeim jarðfræðifyrirbærum sem nemendur hafa lært um í vetur.

Fyrir ferðina völdu nemendur sér eitt ákveðið jarðfræðifyrirbæri - bjuggu til fyrirlestur og veggspjald. Í ferðinni fluttu nemendur svo fyrirlesturinn sinn og sýndu veggspjaldið til útskýringar.

Dagurinn í hnotskurn: Tungumál jarðfræðinnar - íslensk náttúra - útiteknir og brosandi unglingar, kakó á brúsa og smurðar flatkökur. Minningar sem varðveitast um aldur og ævi.

Viðfangsefni dagsins:

• Esja - aurkeila
• Ósmelur - setlög
• Hafnarfjall - granófýr og frostveðrun
• Mýrar - andhverfa
• Eldborg - gígur
• Gerðuberg - stuðlaberg
• Ölkelda - náttúrulega kolsýrt járnríkt vatn
• Strendur á Snæfellsnesi - svartar og hvítar
• Eldstöðvakerfi á Snæfellnesi - eldvirkni á hliðargosbelti
• Búðaklettur og Búðahraun - gígur og stórkristallað hraun.
• Ár á Snæfellsnesi - lindár nærri jökli
• Lóndrangar - gígtappi
• Snæfellsjökull - eldfjall og jökull
• Vatnshellir - helluhraun og hraunhellar
• Ólafsvík - steingervingar og móberg
• Búlandshöfði - skipting ísaldar í hlý/kuldaskeið
• Kirkjufell - landmótun og steingervingar
• Breiðafjarðareyjar - jökulrof