TMNO4FÞ05 - Tungumálanotkun I

Í áfanganum fá nemendur þjálfun í að segja frá á sínu kjörmáli. Ekki er um beina tungumálakennslu að ræða en nemendum er leiðbeint um orðanotkun, málfræði, efnistök og framburð. Nemendur eru þjálfaðir í málhópum eftir kjörmáli og semja pistla um efni kjarnaáfanga og flytja í málstofu. Sérstök áhersla er lögð á sérorðaforða svo nemendur geti sagt frá efni kjarnaáfanga sem eru: Atvinnuvegir, Bókmenntir og listir, Dýralíf, Gróður og náttúruvernd, Íslandssaga, Íslenska samfélagið og Jarðfræði. Æfð er framsetning og frásagnartækni í viðkomandi tungumáli með hliðsjón af námskeiðinu Leiðsögutækni og samskipti. Nemendur fá þjálfun í að setja frásögn í samhengi þannig að ferðamaður geti metið staðreyndir. Lögð er áhersla á munnlega færni með raunhæfum verkefnum sem fjalla um mál sem leiðsögumenn þurfa að útskýra í starfi. Til að standast áfangann þurfa nemendur að uppfylla kröfur C1 (skv. evrópska tungumálarammanum) í flutningi pistla á sínu kjörmáli.

Nemandi skal hafa öðlast þekkingu og skilning á:

• Frásagnartækni og framsetningu á efni.
• Að sýna sjálfstæð vinnubrögð.
• Að útbúa pistla sem nýtast í starfi.
• Mikilvægi þess að æfa flutning pistla.

Nemandi skal hafa öðlast leikni í að:

• Skipuleggja uppbyggingu og markvissa framsetningu á efni í áhugaverðri og heildstæðri frásögn.

Nemandi skal geta hagnýtt þá almennu þekkingu og leikni sem hann hefur aflað sér til að:

• Flytja pistla blaðlaust um afmörkuð efni fyrir ferðamenn og eftir atvikum, setja þá í samhengi við fyrirbæri sem farþegar þekkja.
• Nota viðeigandi fagorðaforð og hugtök í frásögn.
• Flytja pistla úr kjarnaáföngum námsins þar sem frásagnartungumál uppfyllir kröfur C1 skv. Evrópska tungumálarammanum.

Undanfari: ATVL4AV02, FEÞJ3FE01, BOLI4BL05, DÝRA4DL03, GRÓN4GN03, ÍSAM4ÍS02, JARÐ3JÍ04, LEIL3LE03, SAGA4SG02.

Námsmat: Sjá kennsluáætlun.