VETN4AL05 - Vettvangsnám Lokaferð

Í lok skólaárs fara nemendur í hringferð um Ísland þar sem þeir skiptast á að leiðsegja og fá endurgjöf frá kennara. Nemendur undirbúa ferðina með heimildavinnu og pistlagerð úr áföngum haust- og vorannnar. Lögð er áhersla á að nemendur tengi frásagnir við það sem fyrir augu ber hverju sinni, æfi framsögn í hljóðnema, tímasetningu og framsetningu á efni. Jafnframt þjálfast nemendur í öllum helstu verkþáttum í starfi leiðsögumannsins og kynnast mismunandi aðstæðum á vettvangi.
Vettvangsnámið tengist áföngunum Tungumálanotkun 2, Svæðalýsingar 1 og Svæðalýsingar 2.

Nemandi skal hafa öðlast þekkingu og skilning á:

• Mikilvægi góðrar skipulagningar og framkvæmd ferða um Ísland.
• Útfærslu ferða í samræmi við dagskrá eða áætlanir ferðaskipuleggjenda.
• Öryggisáætlun ferða og almennri öryggisáætlun þess fyrirtækis sem leiðsögumaður starfar fyrir hverju sinni.
• Íslenskum ferðamannastöðum, afþreyingu og þjónustu.
• Mikilvægi þess að hafa þarfir og markmið hópa í fyrirrúmi.
• Mikilvægi þess að vera fyrirmynd í umgengni og umhverfisvernd.
• Að vinna í samræmi við gæðastefnu og siðareglur ferðaskipuleggjenda hverju sinni.
• Lögum og reglugerðum um náttúruvernd.
• Mikilvægi þess að vernda náttúru og menningarminjar.
• Mikilvægi sjálfbærni í ferðaþjónustu.

Nemandi skal hafa öðlast leikni í að:

• Segja ferðamönnum frá öllu því helsta sem fyrir augu ber í vettvangsferð um Ísland.
• Útskýra sögu lands- og þjóðar, samfélag og náttúru.
• Skipuleggja dagleið með grunnþarfir ferðamanna í huga og áætla tímasettningar rétt.

Nemandi skal geta hagnýtt þá almennu þekkingu og leikni sem hann hefur aflað sér til að:

• Útfæra ferðir um Ísland í samræmi við dagskrá ferðaskipuleggjenda.
• Veita ferðamönnum leiðsögn og túlka fyrir gestum menningar og náttúrulegar minjar og umhverfi.
• Vera fær um að aðlaga ferðir að gestum með sérþarfir.
• Vera fær um að geta sagt frá landafræði Íslands, þar með talið myndun og mótun landsins, lífríki og vistfræði lands og sjávar.
• Segja frá sögu, menningu og atvinnulífi landsins og íslensku þjóðlífi í fortíð og nútíð.
• Gæta þess að náttúru- og menningarminjar verði ekki fyrir skemdum af völdum ferðamanna.
• Geta leitt hóp og hafa getu til að bregast við ólíkum og óvæntum aðstæðum á vettvangi, þekki aðkomu að ferðamannastöðum ekki síst m.t.t. öryggismála.
• Upplýsa ferðamenn um viðeigandi öryggisatriði og hættur og tryggja að viðeigandi búnaður sé til staðar.
• Tryggja af fremsta megni öryggi farþega sinna og geta veitt Fyrstu hjálp.
• Taka frumkvæði þegar nauðsyn ber til, taka sjálfstæðar ákvarðanir og bregðast með faglegum hætti við óvæntum aðstæðum og uppákomum.
• Beita þægilegri framsögn, sýna gott skipulag, tímastjórnun og hafa vald á hópstjórn.
• Réttar og viðeigandi upplýsingar séu veittar ferðamönnum. Vera fær um að miðla upplýsingum og koma mikilvægum staðreyndum til ferðamanna á skiljanlegan og innihaldsríkan hátt.
• Gefa jákvæða mynd af landi og þjóð og stuðla að jákvæðri upplifun - svo ferðamenn hafi bæði gagn og gaman af.
• Geta átt samskipti og tjáð sig á íslensku og/eða ensku skv. B2 skv. evrópska tungumálarammanum.

Undanfari: Kjarnaáfangar leiðsögunáms ÍSSÖ4AL02, JARÐ4AL04, LEIL4AL02, NÁTT3AL01, SVÆL4AL04, SVÆL4LA07, TMNO4AL04.

Námsmat: Sjá kennsluáætlun.