VETN4GÖ06 - Vettvangsnám gönguferð

Í áfanganum fá nemendur þjálfun í að ferðast af öryggi um óbyggðir Íslands og leiða gönguhópa á öruggan og upplýstan hátt. Nemendur undirbúa ferðina með heimildavinnu og pistlagerð úr áföngum haust- og vorannnar. Lögð er áhersla á að nemendur tengi við það sem fyrir augu ber hverju sinni. Jafnframt þjálfast nemendur í öllum helstu verkþáttum í starfi gönguleiðsögumannsins og kynnast mismunandi aðstæðum á vettvangi. Nemendur læra að vinna eftir fyrirframgefnum ferðaáætlunum, útfæra gönguleiðir og geta mætt óvæntum aðstæðum í ferðum og geta brugðist rétt við. Í áfanganum fara nemendur í 4-6 klukkustunda gönguferðir sem þeir skrá í leiðarbók (loggbók). Að þeim ferðum loknum undirbúa nemendur og fara í 5 daga bakpokaferð þar sem gist er í tjaldi og nemendur skiptast á að leiðsegja hópnum.

Nemandi skal hafa öðlast þekkingu og skilning á:

Mikilvægi góðrar skipulagningar og framkvæmd ferða um ísland.
Útfærslu ferða í samræmi við dagskrá eða áætlanir ferðaskipuleggjenda.
Íslenskum ferðamannastöðum, afþreyingu og þjónustu.
Mikilvægi þess að hafa þarfir og markmið hópa í fyrirrúmi.
Mikilvægi þess að vera fyrimynd í umgengni og umhverfisvernd.
Að vinna í samræmi við gæðastefnu og siðareglur ferðaskipuleggjenda hverju sinni.
Lögum og reglugerðum um náttúruvernd.
Mikilvægi þess að vernda náttúru og menningarminjar.
Mikilvægi sjáfbærni í ferðaþjónustu.

Nemandi skal hafa öðlast leikni í að:

Segja ferðamönnum frá öllu því helsta sem fyrir augu ber í vettvangsferð um Ísland.
Útskýra sögu lands- og þjóðar; samfélag og náttúru.
Undirbúa og fara í gönguferðir sem gönguleiðsögumaður.
Meta veðurspár og aðlaga skipulag að þeim.

Nemandi skal geta hagnýtt þá almennu þekkingu og leikni sem hann hefur aflað sér til að:

Fara á eigin vegum með ferðamenn í lengri og styttri gönguferðir í óbyggðum.
Útfæra ferðir um Ísland í samræmi við dagskrá ferðaskipuleggjenda, veita ferðamönnum leiðsögn og túlka fyrir gestum menningar og náttúrulegar minjar og umhverfi.
Vera fær um að geta sagt frá landafræði Íslands, þar með talið myndun og mótun landsins, lífríki og vistfræði lands og sjávar.
Segja frá sögu, menningu og atvinnulífi landsins og íslensku þjóðlífi í fortíð og nútíð.
Gæta þess að náttúru- og menningarminjar verði ekki fyrir skemmdum af völdum ferðamanna og að ferðamenn umgangist dýr af nærgætni.
Geta leitt hóp og hafa getu til að bregðast við ólíkum og óvæntum aðstæðum á vettvangi; þekkt aðkomu að ferðamannastöðum, ekki síst m.t.t. öryggismála.
Upplýsa ferðamenn um viðeigandi öryggisatriði og hættur og tryggja að viðeigandi búnaður sé til staðar, og þannig ávalt tryggt af fremsta megni öryggi farþega sinna og veita fyrstu hjálp.
Taka frumkvæði þegar nauðsyn ber til, taka sjálfstæðar ákvarðanir, og bregðast með faglegum hætti við óvæntum aðstæðum og uppákomum.
Beita þægilegri framsögn, sýna gott skipulag, tímastjórnun og hafa vald á hópstjórn.
Réttar og viðeigandi upplýsingar séu veittar ferðamönnum. Er fær um að miðla upplýsingum og koma mikilvægum staðreyndum til ferðamanna á skiljanlegan og innihaldsríkan hátt.
Gefa jákvæða mynd af landi og þjóð og stuðla að jákvæðri upplifun - svo úr verði bæði gagn og gaman fyrir ferðamenn.
Geta átt samskipti og tjáð sig á íslensku og/eða ensku skv. B2 skv. evrópska tungumálarammanum.

Undanfari: Kjarni leiðsögunáms, FYHJ3GÖ01, FERÖ4GÖ04, VEFM3GÖ01, FMJÖ3GÖ01, NÁTT4GÖ04, SVÆL4GÖ04; TMNO4GÖ02

Námsmat: Sjá kennsluáætlun.