Námsráðgjöf

Við Menntaskólann í Kópavogi starfa þrír náms- og starfsráðgjafar, Guðrún Helgadóttir, Helga Lind Hjartardóttir og Þórdís Þórisdóttir. Þær eru til viðtals á skólatíma. Þú getur smellt á nafn námsráðgjafans til að senda honum póst. 

Ef þér er alveg sama við hvaða námsráðgjafa þú talar þá geturðu sent póst á namsradgjof@mk.is. Sá námsráðgjafi sem er laus mun þá hafa samband við þig. 

Starf náms- og starfsráðgjafa er breytilegt eftir því hvort þeir starfa í skólum, fyrirtækjum eða á vinnumiðlunum.

Markmið er þó alltaf það sama, að stuðla að velferð einstaklingsins með hagsmuni hans að leiðarljósi. Námsráðgjafi sýnir nemendum trúnað.

Náms- og starfsráðgjafar eru sérfræðingar. Þeir veita ráðgjöf um nám og störf og aðstoða við starfs- og námsval. Þeir greina vanda og vísa á aðra sérfræðinga.

Hver nemandi ber ábyrgð á eigin námi en á kost á stuðningi námsráðgjafa. Námsráðgjafinn er talsmaður nemenda. Allt sem stuðlar að því að ráðþegi nái settu marki heyrir undir hann.

Námsframboð í skólanum er mjög fjölbreytt og því geta flestir fundið þar eitthvað við sitt hæfi.