Erlent samstarf

Erlent samstarf 

Erlent samstarf eykur gæði skólastarfs með því að skapa vettvang fyrir þekkingarmiðlun og faglega þróun. Nemendur sem taka þátt í keppnum eða starfsnámi öðlast aukna alþjóðlega vitund, tungumálafærni og fá tækifæri til að vinna í sínu fagi á framandi stað. Starfsfólk skólans fær tækifæri til að læra af erlendum samstarfsaðilum, fara á áhugaverð námskeið og þróa kennsluhætti.
Erasmus+ aðild                                                                                                                                                                                   

Menntaskólinn í Kópavogi hlaut aðild að Erasmus+ í starfsmenntahluta Erasmus+ menntaáætlun ESB.
Þessi viðurkenning gerir skólanum kleift að sækja um styrki til náms og þjálfunar á einfaldari máta. Aðildin hefur reynst skólanum afar verðmæt þar sem hún hefur styrkt alþjóðlegt samstarf, aukið tækifæri nemenda og starfsfólks til náms og starfsþróunar erlendis og stuðlað að markvissri þróun og nýsköpun í skólastarfinu.

Hvað er Erasmus+ starfsnám?

Nemar á verknámsbrautum í MK geta sótt um að fara í Erasmus+ starfsnám í Evrópusambandsríkjum. Yfirleitt eru nemar að fara í 6-12 vikur í senn og markmiðið er að öðlast starfsreynslu, efla fagþekkingu og styrkja persónulega færni.
Nemandi þarf að vera í námi í skólanum, vera orðinn 18 ára og passa að sækja um með góðum fyrirvara. Einnig er hægt að fara í Erasmus+ starfsnám í 1 ár frá útskrift.

Upplýsingar um starfsnám fyrir nema í MK: Erasmus+ starfsnám

Frekari upplýsingar
Allar umsóknir og spurningar um alþjóðastarf skólans gefur Elísabet Björnsdóttir, alþjóðafulltrúa skólans. Netfangið er: utlond@mk.is