Kennsluhættir

MK nýtir sér upplýsingatækni í öllu skólastarfi og er öllum nemendum gert að hafa fartölvu til ráðstöfunar þegar þeir hefja nám við skólann. Notast er við námsumhverfið Moodle en ástundun og námsferill er vistaður í INNU.

Mig vantar aðstoð í INNU:

Aðstoðarskólameistari eða áfangastjóri.

Mig vantar aðstoð við Moodle:

Tölvuumsjónarmaður eða Moodle teymi skólans.

Mig vantar aðstoð við Turnitin:

Soffía Ófeigsdóttir.

Kennsluáætlanir

Allar kennsluáætlanir eiga að vera komnar inn á Moodle kennslukerfið í fyrstu kennsluviku og skal skilað  í gæðakerfi skólans. Einungis þarf að gera grein fyrir breytingum á kennsluáætlun ef þær eru verulegar. Upplýsingar um slíkt eru skráðar í miðannarskýrslur og/eða áfangaskýrslur í lok annar sem verkefnastjóri gæðamála kallar eftir. 

Vettvangsferðir (GAT-119)

Kennurum er óheimilt að taka nemendur í eigin bifreið ef þeir eru yngri en 18 ára, án skriflegs samþykkis foreldra eða forráðamanna.

Samþykki þarf að fá hjá skólameistara eða aðstoðarskólameistara fyrir vettvangsferðum í lok annar fyrir næstu önn.

Deildarstjóri pantar rútu hjá innkaupastjóra í lok annar fyrir ferðir næstu annar.

Senda þarf nemendalista með fyrirvara á starfsfólk: starfsfolk@mk.is

Þegar um rútuferð er að ræða þarf að merkja við nemendur á útprentaðan viðverulista og senda mynd af honum á mk@mk.is áður en lagt er af stað. Athugið að allir nemendur séu í rútu eftir hvert stopp. Eftir ferðina er nauðsynlegt að skrá mætingu nemenda í INNU fyrir viðkomandi kennslustund en aðstoðarskólameistari skráir leyfi á nemendur fyrir aðrar kennslustundir ef á þarf að halda. 

Bókalistar

Á seinni hluta hverrar annar ákveða kennarar bókalista fyrir næstu önn. Bókalisti er á heimasíðu og í Innu. Forstöðumaður bókasafns sér um uppfærslu. Kennarar þurfa að láta vita ef skrá þarf nýjar bækur á listann. Huga þarf tímanlega að því hvort hafa þurfi samband við bókaforlög til að tryggja að bækur verði fáanlegar þegar kennsla hefst. Bókaforlög bjóða gjarnan upp á kennaraeintök af námsbókum sem kennari getur óskað eftir í gegnum tölvupóst.

Trúnaður

Starfsfólk í framhaldsskóla er bundið trúnaði og óheimilt er að veita persónulegar upplýsingar um nemendur skólans. Minnt er á að upplýsingar um nemendur eldri en 18 ára má ekki gefa neinum að þeim forspurðum.