Nýnemadagur

Fimmtudaginn 28. ágúst stendur stjórn nemendafélagsins, NMK, fyrir nýnemaferð. Mæting er í síðasta lagi kl. 09:00 í anddyri skólans. Áætluð heimkoma er um kl. 14:00. Gert er ráð fyrir að allir nýnemar mæti í ferðina. Ef einhver, af óviðráðanlegum orsökum, getur ekki mætt í ferðina þarf að tilkynna það sérstaklega til Helene Pedersen (helene.pedersen@mk.is), aðstoðarskólameistara, fyrir ferðina. Athugið að nemendur sem ekki mæta í nýnemaferðina þurfa að mæta í skólann þennan dag.

Í ferðinni verður skipulögð dagskrá undir stjórn NMK þar sem farið verður í hópeflisleiki og fleira. Stjórn NMK hefur umsjón með ferðinni, en auk þeirra verða umsjónarkennarar og starfsmenn skólans á staðnum. Í hádeginu verður boðið upp á grillaðar pylsur en gott að nemendur taki með sér nasl og vatnsbrúsa. Þar sem dagskráin fer fram utandyra er mikilvægt að nemendur klæði sig eftir veðri.

Ferðin kostar 4.900 kr. og eru forráðamenn beðnir um að leggja upphæðina inn á reikning 0536-26-4235 kt. 470576-2199 í síðasta lagi þriðjudaginn 26. ágúst. Það er mikilvægt að setja nafn og kennitölu nemandans í skýringu og senda staðfestingu úr heimabanka á netfangið hjordisoblondal@gmail.com.

Um kvöldið verður dagskrá í skólanum á vegum NMK. Húsið opnar kl. 19:00. Dagsrkánni lýkur kl. 22:00. Þar verða leikir, veitingar, keppni í hinum ýmsu kúnstum, verðlaun og fleira skemmtilegt. Við hvetjum alla nýnema til að mæta og verða félagslífsfulltrúar á staðnum til að tryggja að allt fari vel fram. 

Neysla áfengis, tóbaks, rafretta og annarra vímuefna er stranglega bönnuð og getur varðað brottvísun úr ferðinni og skemmtikvöldinu.