Fréttir

Vetrarfrí verður í Menntaskólanum í Kópavogi föstudaginn 16. febrúar, mánudaginn 19. febrúar og þriðjudaginn 20. febrúar. Kennsla hefst aftur miðvikudaginn 21. febrúar eftir stundaskrá.

Miðvikudaginn 7. febrúar mæta nemendur ekki samkvæmt stundaskrá heldur er dagskrá frá kl. 8:30-14:00 í skólanum. Nemendur mæta á stöðvar að eigin vali og safna fimm mismunandi stimplum á eyðublað sem þau fá. Þau merkja blaðið og skila á skrifstofu skólans til þess að fá mætingu fyrir allan daginn. Það er ekki hægt að fá alla stimplana á sama tíma en þau sem mæta fyrr geta verið búin fyrr þó svo að öllum nemendum sé frjálst að vera allan daginn og fara í sem flestar stofur til að taka þátt í þeim viðburðum sem eru í boði. Boðið verður upp á pylsur í hádeginu nemendum að kostnaðarlausu.

Þeir nemendur sem ætla að útskrifast í maí þurfa að skrá sig í útskrift. Smellið á viðeigandi hnapp.

Lokað á skrifstofunni frá kl 15:00 í dag, mánudag 8. janúar, vegna afgreiðslu töflubreytingaóska.

Opnað verður fyrir stundatöflur nemenda þriðjudaginn 2. janúar. Á sama tíma verður opnað fyrir rafrænar töflubreytingaóskir. Þar sem skólinn er fullsetinn verður ekki unnt að verða við öllum töflubreytingaróskum. Lokað verður á töflubreytingaóskir, sunnudaginn 7. janúar og farið yfir þær 8.-9. janúar. Nemendur eiga að mæta í tíma samkvæmt stundatöflu þar til búið er að afgreiða allar óskir. Það er mikilvægt að nemendur fylgist með skilaboðum frá skólanum varðandi afgreiðslu töflubreytingaóska. Tekið verður á móti nýjum nemendum í bók- og verknámi miðvikudaginn 3. janúar kl. 14:00-15:00 í Sunnusal. Mikilvægt að nemendur mæti með fartölvur með sér. Kennsla hefst samkvæmt stundatöflu fimmtudaginn 4. janúar.